Li herêma Verdi ya parêzgeha Nevada ya Dewletên Yekbûyî yên Amerîkayê agiriyekî pir mezin bi daristanan ket. Navenda Hevpar a Neteweyî ya Agirvemirandinê ragihand ku agir hîn jî ji kontrolê derketiye û ji ber bayê xurt ber bi aliyê bakurê rojhilat ve belav dibe. Heya niha zêdetirî 10.500 fedan erd şewitî ye.
Ji ber nêzîkbûna agir, Fermangeha Daristanan a Amerîkayê ji bo nêzîkî 1.000 malên li herêmê fermana valakirina lezgîn da. Hişyarî û fermanên valakirina malan ber bi aliyê bakur ve tên berfirehkirin da ku jiyana welatiyan biparêzin.
Ji bo rûnedana karesatên mezintir, xetên veguhastina elektrîkê yên herêmê hatin girtin. Ji ber vê yekê, li herêma Truckee û bakurê Gola Tahoe elektrîka nêzîkî 37 hezar aboneyî hat birîn. Tîmên agirkujiyê ji bo kontrolkirina agir xebatên xwe berdewam dikin.
