Rêberê damezrîner yê PKK`ê Abdullah Ocalan derbarê civîna yekem a Desteya Şopandin û Tespîtû û notên li ser medya dijîtal wî tohmetbar dikin bi rêka DEM Partî peyamek şand da ku ji raya giştî re were parvekirin.
Abdullah Ocalan derbarê yekemîn civîna Desteya Şopandin û Tespîtê wiha got:
Abdullah Ocalan: Pêvajo bi gavên mezin pêşve diçe
Birêz Serokkomar û birêz Devlet Bahçelî îradeya xwe bi awayek xurt nîşan dan.
Li ser bangewaziya min, têkoşîna çekdarî bi dawî bû.
Partiyên siyasî jî piştgirîya dîrokî dan.
Bi vî awayî ‘Qanûna xurtkirina hevgirtina neteweyî û yekparebûna civakî’ hat pejirandin.
Lijneya ku li gorî vê qanûnê hat avakirin, duh yekemîn civîna xwe pêk anî.
Ev nîşan dide ku pêvajo bi gavên mezin pêşve diçe.
Abdullah Ocalan: Îdiayên derheqê min ji bo xirakirina pêvajoyê ne
Abdullah Ocalan derbarê îdia û tawanbariyên derheqê wî de ku li ser medya dijîtal hatibûn parvekirin jî wiha dibêje:
“Em gihîştine qonaxeke krîtîk.
Di vê serdema dîrokî de hin derdor hewl didin pêvajoyê têk bibin.
Ev hewlên wan komploya li dijî min e.
Gotin, dîtin, nav, belge û notên ku di medyayê û medyaya civakî de belav dibin û bi min ve tên girêdan, ne rast in.
Ev parvekirin tevgerên provokatîf ên dijberên pêvajoyê ne.
Ez ê hewldanên xwe yên ji bo avakirina aştiya civakî û hiqûqa xwişk û biratiyê hîn zêdetir li pêş bixim.
Abdullah Ocalan di dawiya peyama xwe de herkesî vexwend ku bi ruhê xwişk û biratiyê, bi hişmendî û bi hestiyarî nêzîkê pêvajoyê bibin.
