35 birîndarên berxwedana taxên Şêxmeqsûd û Eşrefiyê, piştî ku îro di saetên serê sibê de ji wan taxan hatin derxistin, gihîştin bajarê Hesekê yê kantona Cizîrê.
Li gorî çavkaniyên bijîşkî, birîndar ji bo dermankirinê veguhestin Nexweşxaneya Şehîd Sarya ya li bajêr û tê payîn ku di demjimêrên pêş de hin birîndarên din jî bigihêjin.
Di 6`ê Çileyê de, çeteyên Hikûmeta Veguhêz a Sûriyê, êrîşî taxên Şêxmeqsûd û Eşrefiyê li Helebê kirin. Çeteyan çekên giran û balefirên bêmirov ên Tirkiyê dijî sivîlên li wan taxan bi kar anîn, di encamê de bi dehan kes şehîd û birîndar bûn.
