Paolo Zampolli, nûnerê taybet ê serokê Amerîkayê Donald Trump, piştgiriya xwe ji bo beşdarbûna werzişvanên Rûsî di Lîstikên Paralîmpîk ên 2026`an de li Îtalyayê anî ziman.
Di derbarê vê mijarê de, Zampolli ji New York Times re gotiye:
"Ez bawer dikim ku werziş ji bo her kesî ye."
Ev piştgirî, di nav nakokiyên werzîşî û siyasî yên berdewam de tê ku li ser beşdarbûna werzişvanên Rûsî û Belarûsî di Paralîmpîka 2026'an de di bin sembol û alên xwe yên neteweyî de ne.
Rûsya û Belarûs ji Lîstikên Paralîmpîk ên 2022'an hatinibûn qedexekirin, lê di dengdana endaman a par de, mafên xwe yên tevahî di Komîteya Paralîmpîk a Navneteweyî de bi dest xistibûn.
Bajarên Îtalyayê yên Mîlano û Cortina d'Ampezzo ji 6ê adarê heta 15'ê adarê, dê mazûvaniya Lîstikên Paralîmpîk ên 2026'an bikin û tê payîn ku hejmareke mezin ji werzişvanan ji çar aliyên cîhanê beşdar bibin.
