Tîma Amedsporê ya ku derbasî Lîga Super bû, dest bi amadekariyên sezona nû dike.
Serokê Amedsporê Nahît Eren, diyar kir ku ew ê bi hin lîstikvanan re berdewam bikin û avakirineke nû bidin destpêkirin û got:
'' Lîstikvanên ku bi tîmê re berdewam bikin hebin, lê divê em ji nû ve avakirina lîstikvanan û kûrahiya tîmê ji bo Super Lîgê bilind bikin.
Em armanc dikin ku bi lîstikvanên xwedî tecrûbe û stêrkên ji çavkaniyên navxweyî û navneteweyî, bibin kulubeke mayînde .
Nûnerê Amedê, di hefteyên dawî de performansa xwe ya domdar a sezonê bi pêşbirka dijwar tacîdar kir.
Em bi tîma xwe serbilind in ku navê xwe di Lîga Super de nivîsand."
Eren, da zanîn ku ji bo merasîma kupayê û pîrozbahiya şampiyoniyê ya ku dê di 10'ê gulanê de li bajêr were lidarxistin, amakarî tên kirin.
Eren, destnîşan kir ku şampiyon ne tenê li Amedê tê pîrozkirin û got:
"Şampiyoniya Amedsporê li qadeke berfireh bi coş hate pîrozkirin û em bi vê yekê pir kêfxweş in.
Ji ber ku Amedspor klûbeke xwedî alîgirên ku ji Amedê mezintir e.
Super Lig, cihê ku em heq dikin û ji bo tîma me cihê kêfxweşiyê ye."
Eren spasiya hemû serokên partiyên siyasî kir
Eren wiha axaftina xwe berdewam kir:
"Peyamên pîrozbahiyê yên Serokkomar û hema hema hemû serokên partiyên siyasî ji bo me pir girîng in.
Peyamên bi vî rengî jî girîng bûn, ji bo nîşandana ku Amedspor klûbeke ku mîna klûbên din ên Tirkiyê di lîgên futbolê de dilîze û bajarekî temsîl dike.
Bi vê boneyê, em weke klûb, spasiya xwe pêşkêş dikin.
Her wiha ez careke din spasiyên xwe pêşkêşî Serokkomar û hemû serokên partiyên siyasî dikim."
