Duh Ukraynayê li paytext Kîevê, 35’emîn salvegera serxwebûna xwe ya ji Yekîtîya Sovyetê (1991) pîroz kir. Ev pêncemîn Roja Serxwebûnê ye ku ji destpêka şerê Rûsyayê (2022) û vir ve di bin sîya şer de derbas dibe.
Di merasîmê de heyetên payebilind ên mîna Mike Pence û senatorên Amerîkî amade bûn. Serok Zelenskyy bang li hevbendên xwe kir ku pergala parastina esmanî zêde bikin. Di vê çarçoveyê de, Yekîtîya Ewropayê 6,1 milyar euro alîkarîya nû ragihand û Brîtanyayê jî da zanîn ku wê teknolojîya çêkirina mûşekên SCALP bide Ukraynayê. Ukraynayê li şûna merasîma leşkerî, drone û amûrên bêmirov ên li welêt hatine hilberandin nîşan dan.
Tevî pîrozbahîyan, êrîşên Rûsyayê berdewam kirin û di êrîşeke drona Rûsî de li herêma Chernihivê 18 kes birîndar bûn.
