کەشناسی هەرێم رایگەیاند، ئه‌مڕۆ بەگشتی ئاسمان ساماڵ و پەڵە هەور دەبێت، پێشبینی باران بارین وله هه‌ندێك ناوچه‌ش خۆڵبارین ده‌بێت.
بەڕێوەبەرایەتی گشتی كەشناسی و بومەلەرزەزانی هه‌رێمی كوردستان لە ڕاگەیەندراوێكدا بڵاویكردەوە، ئەمڕۆ ئاسمان ساماڵ و پەڵەهەور دەبێت و پلەکانی گەرما کەمێک نزم دەبنەوە، لەگەڵ ئەوەشدا لە هەولێر، گەرمیان وکەرکوک ئەگەری بەرزبونەوەی تۆزێکی کەم هەیە.
دەربارەی کەشی سبەینێ ئاماژە بەوەشکراوە، ئاسمان پەڵە هەور و نیمچە هەور دەبێت و لەهەندێک ناوچە ئەگەری بارانی مامناوەند هەیە لەگەڵ ئەوەشدا بەفرێکی کەم لە ناوچە شاخاوییە سنوریەکان دەبارێت.