بەڕێوەبەرایەتیی کارەبای سلێمانی ڕایگەیاند کە بڕیاری داشکاندنی سەدا پەنجای (٥٠٪) قەرزی کۆنی کارەبا کۆتا جارە درێژ دەکرێتەوە و جارێکی دیکە نوێ ناکرێتەوە.
سیروان محەمەد، گوتەبێژی بەڕێوەبەرایەتیی کارەبای سلێمانی، لە لێدوانێکی تایبەتدا ئاماژەی بەوە دا که ڕێککەوتی ١٨ی تشرینی یەکەم (مانگی داهاتوو) وەک کۆتا وادە بۆ ئەو داشکاندنە دیاری کراوە.
شێوازی وەرگرتنی قەرزەکان دوای کۆتایی هاتنی وادەکە
پێدانی قیست: دوای تەواوبوونی ماوەی داشکاندنەکە، بڕی پارەی قەرزی کۆن بە شێوەی قیست لە بەشداربووان وەردەگیرێت و دەخرێتە سەر پەیکەری پارەی پڕۆژەی ڕووناکی.
سزای نەدانی قەرز: کارەباچییەکان جەخت لەوە دەکەنەوە کە دوای تێپەڕبوونی ٥٠ ڕۆژ و دەرکردنی سێ ئاگادارکردنەوە بۆ نەدانی قیست و پارەی کارەبا، بە شێوەیەکی فەرمی کارەبای بەشداربووی دواکەوتوو دەبڕدرێت.