دەستەى ژینگەى هەرێم بڵاویکردەوە، لە هەرێم ڕێژەی سەوزایی گەشتووەتە 12.4% بەوەش ڕێژەی سەوزایی ناگاتە ڕێژەی ستانداردى جیهانى، بەڵام لەسەرئاستی ناوچە جیاوازەکان ناوچەی واهەیە ڕێژەی ستانداردی تێپەڕاندووە و هەشە ڕێژەکەی زۆر لەخوار ستانداردەوەیە.
باسلەوەشکراوە، بەپێی پێوەرە نێودەوڵەتییەکان، بەتایبەت ڕێکخراوی تەندروستی جیهانی (WHO) و ڕێکخراوەکانی ژینگە پارێزی، ڕێژەی ستانداردی سەوزایی بۆ هەر تاکێک لە شارەکاندا جیاوازە.
ئاماژەبەوەشکراوە، پێویستە هەر تاکێک بە لایەنی کەمەوە نۆ مەتر چوارگۆشە پانتایی سەوزایی بەربکەوێت و زۆرێک لەوڵاتانی پێشکەوتوو کار دەکەن بۆ ئەوەی ئەم ڕێژەیە بگەیەننە 15 بۆ 50 مەتر چوارگۆشەبۆ هەر تاکێک.
دەشڵێن، لە نەخشەسازیی شارە نوێیەکاندا دەبێت 15% بۆ 25%ـى کۆی ڕووبەری شار بە سەوزایی (باخچە، پارک، پشتێنەیسەوز) داپۆشرابێت.
ئەوەش هاتووە، ڕەچاوکردنی ئەم ڕێژانە کاریگەری ڕاستەوخۆی هەیە لەسەر، کەمکردنەوەی پیسبوونی هەوا، هاوسەنگی پلەی گەرما و گەرمبونی زەوی و تەندروستی دەرونی هەیە.