وەزارەتی بەرگریی ڕوسیا ڕایگەیاند، شەوی ڕابردوو سیستەمی بەرگریی ئاسمانی وڵاتەکەی 155 فڕۆکەی بێفڕۆکەوانی ئۆکرانیایان لەناوبردووە.
ئەمڕۆ وەزارەتی بەرگریی ڕوسیا لە ڕاگەیەنراوێکدا دەڵێت، فڕۆکە بێفڕۆکەوانەکان لە بەشێک لە شارەکانی وڵاتەکەی کەوتوونەتە خوارەوە.
ئەمە لە کاتێکدایە، ئاڕاستەکردنی هێرشی فڕۆکەی بێفڕۆکەوان و موشەک لەلایەن ئۆکرانیاوە بۆ سەر ڕوسیا ڕوو لە زیاد بوونە و بەهۆیەوە ژمارەیەکی زۆر هاوڵاتی مەدەنی کوژراون.