ڕێکخراوی گلۆباڵ ویتنس لە تازەترین ڕاپۆرتیدا بڵاوی کردەوە، لە ساڵی ڕابردوودا لانیکەم 124 کەس لە پارێزەرانی ژینگە و زەوی لە سەرانسەری جیهاندا کوژراون و زۆرترینیشیان لە ئەمریکای لاتین تۆمار کراون.
بەپێی ڕاپۆرتەکەی ڕێکخراوەکە، زۆرترین هێرشەکان بۆ سەر ژینگەپارێزان لە ناوچەی ئەمریکای لاتین ڕووی داوە، بە جۆرێک کە 85%ـی کۆی کوشتنەکان لەو ناوچەیە بوون.
کۆلۆمبیا بۆ چوارەمین ساڵ لەسە‌یەک، بە کوشتنی 39 ژینگەپارێز وەک مەترسیدارترین شوێن بۆ ژینگەپارێزان دەستنیشان کراوە، و بەڕازیلیش بە تۆمارکردنی 26 حاڵەت لە پلەی دووەمدا دێت.
لە کۆتاییشدا، ڕێکخراوی گلۆباڵ ویتنس جەختی لەوە کردووەتەوە کە ئامارە ڕاستەقینەکان زۆر لەوە زیاترن، چونکە تۆمارکردن و سەلماندنی هەموو حاڵەتەکان لە هەموو ناوچەکاندا کارێکی ئاسان نییە و بەشێکی زۆریان پەردەپۆش دەکرێن.