پەروین بوڵدان ژنە سیاسەتمەداری دیاری كورد لە توركیا دەڵێت: لەدواین دیداردا عەبدوڵا ئۆجالان پێی وتووە: كورد لەبەردەم پیلانێكی گەورەدایە.
پەروین بوڵدان كە ئەندامی شاندی دەم پارتیە بۆ كۆبونەوە لەگەڵ ئۆجالان رێبەری زیندانیكراوی پارتی كرێكارانی كوردستان پەكەكە هاوكات جێگری سەرۆكی پەرلەمانی توركیاشە، ئاشكرایكرد: لەدوایین دیداریان لە ئیمراڵی لەگەڵ ئۆجالان، داوای ئاساییكردنەوەی دۆخی رۆژئاوای كوردستان‌و كەمكردنەوەی بارگرژییەكانی كردووە بۆ ئەوەی رێگریی بكرێت لە كۆمەڵكوژیی گەلی كورد و خوێنڕشتن، هەر بۆیە دوای پەیامەكەی بەڕێزیان ئەو دۆخەی ئێستا هەیە لەنێوان هەسەدە و حكومەتی دیمەشق دروست بوو.
پەروین بوڵدان هەروەها دەڵێت: ئۆچەلان پێی وتوە نیگەرانە لە ئاسایشی گەلی كورد و كورد لەبەردەم پیلانگێڕییەكی نوێی هاوشێوەی 15ی شوباتدایە.
ئۆجالان هۆشداریی لە باودرۆخی رۆژاڤای كوردستان داوەو وتوێتی: كورد لە لێواری پیلانێكی نوێدایە بۆ ئەوەی كۆمەڵكوژ بكرێت.