پیت هێگست ڕایگەیاند: بۆ ڕێککەوتن لەگەڵ ئێران هیچ پەلەمان نییە و لە بەردەم ئێراندا دەرفەت بۆ ڕێککەوتنێکی باش هەیە، هەروەها، گەمارۆکانى سەر ئەو وڵاتە توندتر دەکەینەوە.
پیت هێگست وەزیری جەنگی ئەمەریکا لە کۆنگرەیەکى ڕۆژنامەنوسیدا ڕایگەیاند: گەمارۆی دەریایی لەسەر ئێران بەردەوامە و هەموو ئەو کەشتیانەی کە پەیوەندییان بە ئێرانەوە هەیە یان بۆ بەندەرەکانی ئەو وڵاتە دەڕۆن یان لێوەی دێن، جوڵەیان ڕاگیراوە.
دەشڵێت: گەمارۆی سەر ئێران توندتر دەکەینەوە و دەست بەسەر کەشتییە نەوتهەڵگرەکانی ئەو وڵاتەدا دەگرین .
گوتیشى: هێرشەکانمان بۆسەر ئێران لە ماوەیەکى کەمدا بە ئامانجەکانى گەشتووە و ڕێگا نادەین بەهیچ جۆرێک ئەو وڵاتە ببێتە خاوەنى چەکى ئەتۆمى.