یسرائیل کاتز، وەزیری بەرگریی ئیسرائیل ڕایگەیاند کە سوپا و هێزی ئاسمانیی وڵاتەکەی لە ئامادەباشیی تەواودان بۆ ڕووبەڕووبوونەوەی ئەگەری هەر هێرشێک لەلایەن کۆماری ئیسلامیی ئێرانەوە و جەختیشی کردەوە کە لە کاتی هەر پەلامارێکدا، ئیسرائیل بە سەربەخۆیی و بە هێزێکی زۆر وێرانکەر وەڵام دەداتەوە.
کاتز ئاماژەی بەوە دا کە بەرپرسانی ئیسرائیل چاودێریی گرژییەکانی نێوان ئەمریکا و ئێران دەکەن و پێشبینی دەکەن تاران لە ڕۆژانی پشووی جووەکاندا هەوڵی هێرشکردنە سەر ئیسرائیل بدات.
وەزیری بەرگریی ئیسرائیل ڕوونیشی کردەوە، هەرچەندە هەماهەنگی لە نێوان تەلئەبیب و واشنتندا هەیە، بەڵام ئیسرائیل بۆ پاراستنی خاکی خۆی پشت بە هیچ وڵاتێکی دیکە ببەستێت و بە تەواوی سەربەخۆ بڕیار دەدات.