بەڕێوەبەرایەتیی نەوت و کانزاکانی هەولێر ڕایگەیاند، بەمەبەستی بنەبڕکردنی قەرەباڵغی، ڕاگرتنی ئۆتۆمبێل بەدرێژایی شەو لە پێش بەنزینخانە، شەقام و کۆڵانەکان بۆ نۆرەگرتنی بەنزین قەدەغە کرا.
بەڕێوەبەرایەتییەکە لە ئاگادارییەکدا جەختی لەوە کردەوە کە ئەم بڕیارە تایبەتە بەو ناوچانەی بەنزینی 750 هەزار دیناری تێیدا دابەش دەکرێت، و ئەوەش بۆ پاراستنی ئارامی و ڕێگریکردن لە بێزارکردنی هاووڵاتییانی دانیشتووی ئەو گەڕەکانەیە.
نەوت و کانزاکانی هەولێر هۆشداریی دا کە هەر شۆفێرێک پابەند نەبێت بە بڕیارەکەوە، ژمارەی ئۆتۆمبێلەکەی تۆمار دەکرێت و ڕووبەڕووی سزای پێبژاردن دەبێتەوە.