بنیامین نەتانیاهۆ، سەرۆکوەزیرانی ئیسرائیل، لە چاوپێکەوتنێکی ڕۆژنامەوانیدا لەگەڵ ڕۆژنامەی "دەیلی مەیل"ـی بەریتانی، ڕایگەیاند کە وڵاتەکەی توانیویەتی بە تەواوی ڕێگری لە ئێران بکات لەوەی ببێتە خاوەن چەکی ئەتۆمی، و جەختی کردەوە کە ئەگەر هەڵوێست و ڕۆڵی ئیسرائیل نەبوایە، مەترسیی ئەوە هەبوو تاران بگاتە ئەو ئامانجە.
نەتانیاهۆ ئاماژەی بەوەش دا کە تاران زیانی گەورەی بە ئابووریی جیهان و سەرچاوەکانی وزە گەیاندووە و ئێستاش بەردەوامە لە پەرەپێدانی مووشەکی دوورمەودا. سەبارەت بە داهاتووی دەسەڵاتیش، ناوبراو پێشبینی کرد کە حکومەتی ئێستای ئێران بڕوخێت و ڕووی لە خەڵکی ئەو وڵاتە کرد و گوتی: "ڕۆژی ئازادیی ئێوە دێت" .
هەروەها ڕایگەیاند کە کۆماری ئیسلامی ئێستا لە هەمیشە لاوازترە و سیاسەتی گوشار و سزاکانی ئیدارەی ترەمپ ڕۆڵێکی گەورەی لە لاوازکردنی سوپای پاسداران هەبووە.