لە ساڵیادی کۆچی دوایی سەرکردەی مێژوویی و سکرتێری گشتیی پێشووی یەکێتیی نیشتمانیی کوردستان، مام جەلال، لەتیف نێروەیی، لێپرسراوی بۆردی ڕاگەیاندنی یەکێتی، پەیامێکی بڵاو کردەوە و تێیدا تیشکی خستە سەر دوایین پەرەسەندنە سیاسییەکانی هەرێمی کوردستان و ئاڵنگارییەکانی بەردەم پرۆسەی سیاسی.
لە پەیامەکەیدا، نێروەیی جەختی لە گرنگیی پاراستنی یەکڕیزیی نێوان لایەنە سیاسییەکانی هەرێمی کوردستان کردەوە بۆ ڕووبەڕووبوونەوەی ئەو قەیران و ئاڵنگارییە ئەمنی و سیاسییانەی کە لە ناوچەکەدا هەن.
ئاماژەی بەوە دا که ڕێبازی مام جەلال هەمیشە بنەمای گفتوگۆ، لێکتێگەیشتن و هاوسەنگیی سیاسی بووە لەپێناو خزمەتکردنی هاووڵاتییان و پاراستنی قەوارەی هەرێمدا.