پارێزەری نێرگز محەمەدی كچه كوردی چالاكوانی مافی مرۆڤ له وڵاتی ئێران رایگه‌یاند، بریکارەکەی دۆخی ته‌ندروستی باش نییه و لە زیندانی مەشهەدەوە بۆ زیندانی زەنجان گوازراوەتەوە.
مستەفا نیلی پارێزەری نێرگز محەمەدی له تۆڕی ئێكس بڵاویكرده‌وه، دۆخی تەندروستی نێرگز محەمەدی باش نییە و تووشی سەری گێژبوون دەبێت و چاوەکانیشی لێڵ دەبینن.
وتیشی، مەبەست لە گواستنه‌وه‌ی نێرگز محه‌مه‌دی بۆ زیندانی زەنجان جێبەجێکردنی سزاکەیەتی کە پێشتر لەلایەن دادگای دادی ئێرانەوە بە تۆمەتی ڕێکخستن و پیلانگێڕی دژی حکومەت و دروستکردنی دەنگۆ، سزای حەوت ساڵ و نیوی بەسەردا سەپێنرابوو.
پێشتر هەریەک لە نەتەوەیەکگرتووەکان و ڕێکخراوه‌كانی مافی مرۆڤ داوای ئازادکردنی ئەم چالاکوانەیان كردبوو، بەڵام بە مەبەستی جێبەجێکردنی سزاکەی گواسترایەوە بۆ زیندانی زەنجان.
نێرگزی 52 ساڵ، لە ساڵی 2016 بە تۆمەتی ڕێکخستن و پیلانگێڕی دژی حکومەت، به 16 ساڵ زیندانیکردن سزا درا، ساڵی 2020 ئازادکرا و ساڵی دواتر دووبارە زیندانی کرایەوە.
ساڵی 2023 نێرگز خەڵاتی نۆبڵی ئاشتی بردەوە، ئەمەش لە بەرامبەر ئەو داکۆکی و هەڵمەتەی لە دژی سزای لەسێدارەدان لە ئێران کردی.