لەیلا زانا سیاسەتمەداری کورد لە دوای ئاهەنگەکانی نەورۆز ڕایگەیاند: ئیمراڵی ئیتر زیندان نییە بەڵکو دوورگەی ئاشتی و ئازادییە.
لەیلا زانا لە تۆڕی کۆمەڵایەتیی ئێکس پەیامێکی بڵاوکردەوە و نوسیویەتی: لە دوای نەورۆزەوە بۆ ئێمە ئیتر ئیمراڵی زیندان نییە بەڵکو دوورگەی ئاشتی و ئازادییە.
نەورۆزی ئەمساڵ جیاوازتر لە ساڵان یادی کرایەوە و بە شێوەیەکی فراوان خەڵک بەشداریان کرد. بۆ نەورۆزی ملیۆنی ئامەدیش ئۆجالان پەیامێکی نارد و تێیدا باسی بەردەوامیی ڕۆحییەتی نەورۆزی کرد بۆ ئاشتی و ئازادی و بەدەستهێنانی مافەکانی گەلی کورد لە ڕۆژهەڵاتی ناوەڕاست.