بەهۆی بۆردومانێکی موشەکی بۆ سەر ماڵێک لە باشووری پارێزگای بەسرە، پێنج كه‌س كوژران كه سه‌رجه‌میان ئه‌ندامی یه‌ك خێزان بوون هه‌روه‌ها چەند کەسێکی دیکەش برینداربوون.
میدیای عەره‌بی لە زاری سەرچاوە ئەمنییەکانەوە بڵاویانكرده‌وه، بەهۆی هێرشێکی موشەکی بۆ سەر کێڵگەیەک لە ناوچەی سەفوان، خێزانێکی پێنج کەسی بوونەته قوربانی.
ئه‌وه‌شهاتووه، تا ئێستا تەرمی سێ کەس لە ئەندامانی ئەو خێزانە لە ژێر داروپەردی ماڵەکەیاندا دەرهێنراونەتە و تیمە پەیوەندیدارەکان بەردەوامن لە گەڕان بەدوای تەرمی دوو کەسەکەی دیکەدا.
سەرچاوە ئەمنییەکان جەختیان کردووە، زیانەکان زۆرن و هێشتا ناسنامەی تەواوی قوربانییەکان و هۆکاری وردی بە ئامانجگرتنی ئەو کێڵگەیە ڕانەگەیەنراوە.
ناوچەی سەفوان کە هاوسنوورە لەگەڵ کوه‌یت، یەکێکە لەو شوێنانەی بەهۆی بارودۆخی ئێستای ناوچەکە و ململانێی هێزەکانەوە، چاودێرییەکی وردی ئەمنیی لەسەرە و ئەم ڕووداوەش کاردانەوەی زۆری لە میدیا ناوخۆییەکانی عێراقدا لێکەوتووەتەوە.