لایەنە کوردییەکانی شاری کەرکوک ڕایانگەیاند، بە قۆناغێکی سیاسی هەستیاردا تێپەڕ دەبن و هەوڵدەدەن لە ڕێگەی یەکڕیزییەوە رووبەڕووی هەڕەشەکان ببنەوە.
دوێنێ، هێزێکی سوپای عێراق لە کەرکوک هەڵیانکوتایە سەر چەند ماڵێکی گەڕەکی نەورۆزی شارەکە و خانووی هاووڵاتییەکی کوردیان داگیرکرد و بە زۆرەملێ ئەندامانی خێزانەکەیان لە نێو ماڵەکەیاندا دەرکرد، ئەمڕۆ لایەنە کوردستانییەکان لە شاری کەرکوک لە کۆنفڕاسێکی ڕۆژنامەنووسدا ڕایانگەیاند، هەموویان یەکهەڵوێستن لەسەر ئەوەی پرسە نەتەوەییەکان بە بەرزی رابگرین و پێکەوە کار بکەین بۆ پاراستنی مافەکانی گەلی کورد لە شارەکەدا.
ئاماژەیان بەوەشکرد، ناوچە جێناکۆکەکان بە تایبەت کەرکوک، بە قۆناغێکی سیاسی هەستیاردا تێپەڕ دەبێت و لایەنە کوردستانییەکان هەوڵدەدەن لە رێگەی یەکڕیزییەوە رووبەڕووی هەڕەشەکان ببنەوە.