شاندێکی یەکێتیی نیشتمانیی کوردستان لە شاری هەولێر سەردانی مەکتەبی ڕێکخستنی پارتی دیموکراتی کوردستانی کرد و لە کۆبوونەوەیەکدا پەیوەندییەکانی نێوان هەردوولایان تاوتوێ کرد.
پشتیوان سادق، لێپرسراوی مەکتەبی ڕێکخستنی پارتی لە هەولێر ڕایگەیاند: "پەیوەندیی یەکێتی و پارتی مێژوویی و دوورودرێژ و ڕوونە، بەردەوامیش دەبین لە گفتوگۆکانمان."
لەلایەکی دیکەوە، ڕێباز بێرکۆتی، ئەندامی سەرکردایەتی و لێپرسراوی مەڵبەندی سێی هەولێری یەکێتی گوتی: "سەردانی ئێمە سەردانی تەبایی، برایەتی و یەکڕیزییە." هەروەها داوای لە دەزگاکانی ڕاگەیاندن کرد هاوکار بن و گوتی: "هیوادارین ڕاگەیاندنەکان بۆ باشبوونی پەیوەندییەکانمان لەگەڵ پارتی هاوکاریمان بکەن."