ئیسماعیل بەقایی، گوتەبێژی وەزارەتی دەرەوەی ئێران، لە کۆنگرەیەکی ڕۆژنامەوانیدا زنجیرەیەک لێدوانی لەبارەی دۆخی سیاسی و ئەمنی ناوچەکە دا و ڕایگەیاند، ڕێککەوتن لەگەڵ ئەمەریکا ئاشتی بۆ ناوچەکە دەهێنێت و ڕێککەوتنەکەش دژی ئێران نییە.
بەقایی ئاماژەی بەوە دا کە ئەمریکا لە کاتی دانوستاندیشدا هێرشی کردووەتە سەر ئێران، و ئەمەش مانای ئەوەیە کە وڵاتانی ناوچەکە تێگەیشتوون کە ناتوانن پشت بە ئەمریکا ببەستن.
هەروەها جەختی لەوە کردەوە کە هێشتا لە دۆخی شەڕداین و تاوەکو دەستدرێژییەکان بەردەوام بن، گەروی هورمز ناکەنەوە.
گوتەبێژی وەزارەتی دەرەوەی ئێران جەختیشی لەوە کردەوە کە پێویستە وڵاتانی ناوچەکە هەنگاو بۆ بەهێزکردنی ئاسایش بنێن، و نابێت وڵاتانی دراوسێ ببنە سەکۆیەک بۆ هێرشکردنەسەر ئێران.
هاوکات ئاماژەی بەوەش دا کە لەگەڵ عومان لە گفتوگۆداین.