لە کۆنفرانسێکی ڕۆژنامەنوسیدا، شۆڕش ئەمین ئەندامی فیدراسیۆنی ڕێکخراوەکان لە سلێمانی رایگەیاند، دژی پڕۆژەی ڕووناکی نین، بەڵام نرخەکان گرانە و پێویستە بخرێتە خزمەتی خەڵکەوە.
باسی لەوەش کرد، یاداشتێکیان پیشکەش بە داواکاری گشتی کردووە، چونکە ئەو پسوڵەیەی لە پرۆژەی ڕووناکی بۆ هاوڵاتیان دێتەوە، زۆر ناڕوونە و بڕێکی زۆر پارە هەژمارکراوە.
ئاماژەی بۆ ئەوەش کرد، پێویستە 30 ڕۆژ جارێک پسووڵە بۆ هاوڵاتییان بێتەوە نەک دوای 45 ڕۆژ، چونکە ئەمە ڕێنجەکەی بەرزدەکاتەوە و پارەی زیاتر دێتەوە.
جەختی لەوەشکردەوە، دەبێت لە هەموو ماڵێکدا پێوەرێک هەبێت بۆ ئەوەی هاوڵاتیان بزانن چەندیان بەکارهێناوە.