گوتەبێژی حەج و عومرەی هەرێمی کوردستان ڕایگەیاند، سەرجەم حاجیانی هەرێمی کوردستان بە سەلامەتی گەیشتوونەتە مەککە و دەستیان بە جێبەجێکردنی ئەرکە ئایینییەکانیان کردووە.
کاروان ستوونی، گوتەبێژی حەج و عومرە له بارەی چۆنیەتیی بەڕێوەچوونی پرۆسەکەوە گوتی: "لەسەر ڕاسپاردەی سەرۆک وەزیرانی هەرێمی کوردستان و وەزیری ئەوقاف و کاروباری ئایینی، ئەم ساڵ هەموو حاجیان بە فڕۆکە گەشتی سعودیە دەکەن و له فڕۆکەخانەش هەموو ئاسانکارییەکیان بۆ کراوە".
ژمارەی تەواوی حاجیانی باشووری کوردستان بۆ ئەم ساڵ 5120 کەسن، کە پرۆسەی گواستنەوەیان بە شێوەیەکی سەرکەوتوو له ڕێگەی ئاسمانییەوە جێبەجێ کراوە.
سەرجەم حاجیانی هەرێمی کوردستان گەیشتنە مەککە
