نووسینگەی ڕاگەیاندنی سەرۆکوەزیرانی عێراق ڕایگەیاند، لە چوارچێوەی سەردانە فەرمییەکەی عەلی زەیدی بۆ ویلایەتە یەکگرتووەکانی ئەمریکا، ٤٨ ڕێککەوتننامە، یاداشتی لێکتێگەیشتن و ڕاگەیاندنی هاوبەش لە نێوان کەرتە گشتی و تایبەتەکانی هەردوو وڵاتدا واژۆ کران.
ئەم ڕێککەوتنانە پەرەپێدانی هاوکاری و هاوبەشیی ستراتیژی لە نێوان وەزارەتەکانی نەوت و کارەبای عێراق لەگەڵ چەندین کۆمپانیای گەورەی ئەمریکیدا دەگرێتەوە. ئامانج لەم هەنگاوە داڕشتنی چوارچێوەیەکی ڕوونە بۆ هاوکارییە ئابووری و داراییەکان و گەیاندنی پەیوەندییەکانی نێوان بەغدا و واشنتن بۆ ئاستێکی پێشکەوتووتر.
هاوڕێ لەگەڵ کەرتی وزەدا، لە کەرتی تەکنەلۆژیا و پەیوەندییەکاندا ڕێککەوتنێکی تایبەت لە نێوان کۆمپانیای "ستارلینک" و دەستەی ڕاگەیاندن و گەیاندنی عێراق واژۆ کراوە، بە مەبەستی ڕێگەپێدان و پێشکەشکردنی خزمەتگوزارییەکانی ئینتەرنێتی مانگی دەستکردی ئەو کۆمپانیایە لە سەرانسەری عێراقدا.