کۆمپانیای "فایناڵ چێک"، کە تایبەتە بە پشکنینی تانکی غازی ماڵان و شوێنە گشتییەکان، سەرجەم ئەو تۆمەتانە ڕەت دەکاتەوە کە لەلایەن عەلی حەمەساڵح، ئەندامی پەرلەمانی کوردستانەوە ئاراستەی کرابوون و ڕای گەیاند کە سکاڵای یاسایی لەسەر تۆمار دەکەن.
رەهێڵ جەلیل، پارێزەری یاسایی کۆمپانیای فایناڵ چێک، لە کۆنگرەیەکی ڕۆژنامەوانیدا ڕوونی کردەوە کە کۆمپانیاکەیان هیچ پەیوەندییەکی بە نوسینگەی قوباد تاڵەبانییەوە نییە و سەرجەم ئەو دەنگۆ و تۆمەتانە بێبنەمایە.
بۆیە وەک ڕکارێکی یاسایی لە دژی لێدوانەکان، لە ڕێگەی دادگاوە سکاڵا لەسەر ناوبراو تۆمار دەکەن.