لینزی گراهام، سیناتۆری کۆماری و هاوڕێی دۆناڵد ترەمپ لە تۆمارێکی دەنگیدا، کە لە هەژماری خۆی لە تۆڕی 'ئێکس' بڵاویکردووەتەوە دەڵێ، ئێستا کاتی هێرشکردنەسەر ئێران و لەناوبردنی ئەو درۆزن و مارەیە، کە مەبەستی خامنەییە.
سیانتۆرەکە دەڵێ، چواردەوری ترەمپ بەو کەسانە دەورەدراوە کە دژی هێرشکردنەسەر ئێرانن، بەڵام بە رووخانی رژێمی ئێران حزبوڵا و حەماس و گرووپەکانی دیکەش لەناودەچن.
گراهام لەبارەی کاتی هێرشکردنەوەکەوە دەڵێ، کاتی چاونوقاندن نییە لە ئێران، دەبێت یارمەتی خەڵکی ئێران بدەن بۆ روخاندنی رژێمەکە، کە ئێرانیش رووخا سعودیە دەگەڕێتەوە بۆ گفتوگۆکردن لەگەڵ ئیسرائیل.