رێکخراوی پاککردنەوەی مین ئامارێکی نوێی سەبارەت بە قوربانییانی مین و تەقەمەنی لە سووریا بڵاوکردەوە و ڕایگەیاند، دوای ڕووخانی ڕژێمی بەعس دوو هەزار و 442 کەس بەهۆی تەقینەوەی مینەوە بوونەتە قوربانی.
ڕێکخراوەکە ئاماژەی بەوەش کردووە کە تیمەکانیان لە پاککردنەوەی ناوچە مینڕێژکراوەکانی سووریا بەردەوامن و منداڵان و جووتیاران وەک قوربانی سەرەکی دەستنیشان کراون.
هەروەها جەخت لەوە کراوەتەوە کە بوونی مین و تەقەمەنی لە بەشێک لە ناوچەکاندا ڕێگریی سەرەکییە لەبەردەم گەڕانەوەی ئاوارەکاندا و ئەگەر مەترسییەکان نەهێڵدرێن، ژمارەی قوربانییان ڕوو لە زیادبوون دەکات.