نووسینی/ کوردستان لەزگیێڤا
هۆشیاریی کۆمەڵایەتی چییە؟
لە جیهانی ئاڵۆزی ئەمڕۆماندا، بۆ ئەوەی کۆمەڵگاکان بتوانن بەردەوام بن و بمێننەوە، تەنها بە هۆشیاریی تاکەکان خۆی ناگرێت؛ بەڵکو پێویستمان بە هۆشیاریی کۆمەڵایەتی (گشتی) هەیە.
ئەم هۆشیارییە یارمەتیمان دەدات چارەسەری درێژخایەن بۆ کێشە هاوبەشەکانمان بدۆزینەوە.
هۆشیاریی کۆمەڵایەتی لە ڕێگەی هاوکاریی پێکەوەیی، گفتوگۆ، بیرەوەری هاوبەش و بەهێزیی دامەزراوەکانەوە دروست دەبێت.
ئەم هۆشیارییە ڕاستییەکی سەربەخۆیە، لە باوەڕ و بەها هاوبەشەکانی کۆمەڵگاوە سەرچاوە دەگرێت و لە سنووری تاکەکەس گەورەترە. ئەگەر ئەم پەیوەندی و هاوکارییە لاواز بێت، کۆمەڵگا بەرەو هەڵوەشاندنەوە دەچێت.
جۆرەکانی هۆشیاری
هۆشیاری دەکرێت بەسەر دوو بەشدا دابەش بکرێت: هۆشیاریی ستراتیژی: ئەمەیان زیاتر لەسەر بنەمای بەرژەوەندیی تایبەتی دروست دەبێت.
هۆشیاریی گفتوگۆیی (گەیاندن): ئەمەیان لە ژینگەیەکی ئازاددا یارمەتی خەڵک دەدات بگەنە تێگەیشتنێکی هاوبەش.
هۆشیاریی کۆمەڵایەتی تەنها بەم جۆرەی دووەم سەرکەوتووە دەبێت.
تێبینییەکی گرنگ: گرنگیدانی زۆری ئەم سەردەمە بە خودپەرستی و لاوازبوونی دامەزراوەکان، دەبێتە هۆی تێکدانی پڕۆژە بەکۆمەڵەکان و لاوازبوونی هۆشیاریی کۆمەڵایەتی.
بۆ دروستکردنی هۆشیاریی کۆمەڵایەتی، پێویستە لە بیرکردنەوەی کۆن و چەقبەستوو ڕزگارمان بێت و بەرەو بیرکردنەوەی ڕەخنەیی، زانستی و مێژوویی بڕۆین.
جیاوازیی نێوان هۆشیاریی تاکەکەسی (Ferdî)هۆشیاریی کۆمەڵایەتی (Civakî)
هۆشیاریی تاکەکەسی گرنگی بە بەرژەوەندیی تایبەت، کار، پلەوبایەخ و سەرکەوتنی کاتی دەدات. پێویستی بەوە هەیە هۆشیاریی تاکەکان ڕێکبخرێت لە ڕێگەی یاسا، پەروەردە، سیاسەت و هۆشیاریی ڕۆشنبیری و هونه‌رییه‌وه.
ئەنجام
ئەو کۆمەڵگایانەی ناتوانن هۆشیارییەکی هاوبەش دروست بکەن، یەکێتیی نەتەوەیی، بڕیاری سەربەخۆ و توانای بەرگرییان لە کاتی قەیرانەکاندا لاواز دەبێت. هۆشیاریی کۆمەڵایەتی تەنها بابەتێکی فەلسەفی نییە، بەڵکو گرنگترین سەرچاوەیە بۆ مانەوەی کۆمەڵگا مۆدێرنەکان لە مێژوودا.