دەستەی حەشدی شەعبیی ڕایگەیاند: سەرلەئێوارەی ئەمڕۆ پێنجشەممە لیوای 12 ی حەشدی شەعبیی لە ناوچەی تارمییەی باکوری شاری بەغداد بۆردومانکراوە، سوپاسالاری ئەمریكاش دەڵێ، بە فڕۆكەی ئەپاچی لە حەشد دەدەین.
حەشدی شەعبی ئاماژەی بەوەكردووە، بۆردوومانەكە تەنها زیانی مادیی هەبووە و هیچ زیانێکی گیانیی نەبووە.
ئەمڕۆ پێنجشەممە دان کین سوپا سالاری ئەمریکا لە کۆنفرانسێکی ڕۆژنامەنووسی هاوبەش لەگەڵ وەزیری جەنگ لە پینتاگۆن ڕایگەیاند: بۆ پاراستنی بنکە و بارەگا سەربازیی و دیبلۆماتییەکانمان و سەربازەکانمان لە ناو عێراق، فڕۆکە جەنگییەکانمان لە جۆری ئەپاچی بە توندی بارەگاکانی حەشدی شەعبیی لە ناوچە جیاکانی عێراق بۆردومان دەکەن.