سەرۆکایەتیی ئەنجوومەنی وەزیرانی هەرێمی کوردستان لە راگەیەندراوێکدا بە توندی سەرکۆنەی هێرشەکانی کۆماری ئیسلامیی ئێران بۆ سەر هەرێمی کوردستان دەکات و رایدەگەیەنێت، بەردەوامیی ئەم پەلامارانە سەقامگیریی تەواوی ناوچەکە تێکدەدات.
لە راگەیەندراوەکەدا هاتووە، ئەم هێرشانەی ئێران بۆ سەر خاکی هەرێمی کوردستان هیچ پاساوێکیان نییە؛ هاوکات داوا لە کۆماری ئیسلامیی ئێران دەکەن کە کۆتایی بەم جۆرە هێرشانە بهێنێت.
سەرۆکایەتیی ئەنجوومەنی وەزیران داواکاری ئاراستەی بەغدا و لایەنە نێودەوڵەتییەکانیش دەکات و دەڵێت: "داوا لە حکومەتی عێراقی فیدراڵ و کۆمەڵگەی نێودەوڵەتی دەکەین سنوورێک بۆ ئەم پێشێلکارییانە دابنێن".