سوپای پاسداران جه‌خت له‌وه‌ده‌كاته‌وه، دەتوانن تاوەکو شەش مانگی دیكه بەمشێوە چڕە بەردەوامبن لە شەڕکردن لەگەڵ ئەمریکا و ئیسرائیل.
عەلی موحەمەد گوتەبێژی سوپای پاسداران ڕایگەیاند، تا ئێستا نزیکەی 200 ئامانجمان پێکاوە و ٪60 هێرشەکانمان بۆ سەر هێزەکانی ئەمریکا بووە و ٪40ی هێرشه‌كانیش بۆ سەر ئیسرائیل بووە.
ئاماژەی بەوەشکردووە، تا ئێستا تەنها موشەکە کۆنەکان و موشەکی نەوەی دووەمیان بەکارهێناوە، بەڵام دەیانەوێت لە ماوەیەکی کەمدا موشەکە دوور هاوێژەکانیشیان بەکاربهێنن.
گوتیشی، پلانەکەی ئەمریکا-ئیسرائیل سەری نەگرتووە، ئەوان بەتەمابوون دوای 48 کاتژمێر لە کوژرانی خامنەیی ڕژێمی ئێران بە تەواوەتی بڕوخێت، وایان دانابوو شەڕەکە تەنها بۆ سێ ڕۆژ بەردەوامبێت و هاوپەیمانییەکی هاوبەش لە ناوچەکەدا دژی ئێران دروستبکرێت، بەڵام خەیاڵەکانی ئەمریکا-ئیسرائیل بەدینەهات.