وەزارەتی تەندروستی لوبنان ڕایگەیاند، رێژەی قوربانیان بەهۆی هێرشەکانەوە لە زیادبوونە و تاوەکو ئەمڕۆ زیاتر لە ملیۆنێک هاوڵاتی ئاوارە بوون.
بەگوێرەی دوایین ئامارەکانی وەزارەتی تەندروستیی لوبنان، تاوەکو ئەمڕۆ هەینی 3ـی نیسانی 2026، هەزار و 345 کەس کوژراون و چوار هەزار و 40 کەسی دیکەش بریندار بوونە، ئاماژە بەوەشکراوە، ژمارەی قوربانییانی هێرشەکانی ئەم دواییەی سوپای ئیسرائیل بۆ سەر لوبنان ڕوو لە زیادبوونە.
وەزارەتەکە دەشڵێت، زیاتر لە ملیۆنێک و 100 کەس لە ناوچەکانیان ئاوارە بوون، کە نزیکەی 136 هەزاریان لە ناوەندەکانی پەنابەری نیشتەجێکراون.