بەڕێوەبەرایەتیی پۆلیسی دارستان و ژینگەی سلێمانی ڕایگەیاند، بەیانیی ئەمڕۆ ئاگر لە سنووری شارباژێر کەوتەوە و بەهۆیەوە نزیکەی 500 دۆنم پوش و پاوان و دارستان سووتان.
بەپێی ڕاگەیەندراوی پۆلیسی دارستان، ئاگرەکە لە گوندەکانی بەوزان و کۆزێ لە شارباژێر کەوتووەتەوە و دوای ئاگادارکردنەوەیان، مەفرەزەیەکی بەشی پۆلیسی دارستانی شارباژێر دەستبەجێ چوونەتە شوێنی ڕووداوەکە.
پۆلیسی دارستان ئاماژەی بەوەش کرد، دوای گەیشتنیان و بە هاوکاریی بەڕێوەبەرایەتیی بەرگریی شارستانیی قەزای چوارتا و خەڵکی ناوچەکە، توانیویانە ئگرەکە کۆنترۆڵ بکەن، بەڵام بەهۆی فراوانیی ئاگرەکەوە نزیکەی 500 دۆنم پوش و پاوان و دارستان سووتاون، هەروەها تاوەکو ئێستا هۆکاری کەوتنەوەی ئاگرەکە نەزانراوە.