بەڕێوبەرایەتیی گشتیی ئاسایشی هەولێر، هۆشداریی دەداتە هاوڵاتیان و دەڵێت، لە کاتی بۆردومانی فڕۆکەی بێفڕۆکەوان و موشەکدا، لەماڵەکانتان بمێننەوە و مەیەنە دەرەوە.
بەڕێوبەرایەتییەکە لە ڕاگەیەنراوێکدا جەخت لەوەدەکاتەوە، بە هیچ شێوەیەک لە پارچە و پاشماوەی درۆنە تێکشکێندراوەکان نزیک نەبنەوە، بۆ ئەوەی لە مەترسیی هەر ئەگەرێکی نەخوازراو پارێزراو بن.
لە ماوەی هێرشی ئەمریکا و ئیسرائیل بۆسەر ئێران، گروپە چەکدارەکانی نزیک له ئێران، بە درۆن و موشەک چەندین هێرشیان کردووەتە سەر شارەکانی هەرێمی کوردستان، بە تایبەتی هەولێر، بەشێک لە پاشماوەکان لە ناو گەڕەک و ماڵان دەکەونە خوارەوە و ئاسایش هۆشداری بە هاوڵاتیان دەدات نزیکیان نەکەون.