وەزیری ناوخۆی پاکستان ڕایگەیاند، گفتگۆکان لەگەڵ سەرکردایەتی ئێران پێشکەوتنی بەرچاوی بەخۆوە بینیوە و هاوکات گەشبینی خۆیشی بۆ گەڕانەوەی تاران و واشنتۆن بۆ سەر مێزی دانوستان دەربری.
موحسین نەقەوی، وەزیری ناوخۆی پاکستان بە میدیاکانی راگەیاند، ناوەرۆکی گفتگۆکانیان لەگەڵ ئێران تایبەت بووە بە دۆزینەوەی رێگەچارەیەکی ئاشتیانە بۆ کردنەوەی دەرگای ئاشتی و کۆتاییهێنان بە گرژییەکان لە ناوچەکە.
هاوکات، سوپای پاکستان لە راگەیەندراوێکدا سەردانە یەک رۆژەکەی عاسم مونیر فەرماندە هێزە چەکدارەکانی وڵاتەکەی بۆ تارانی بە بەرهەمدار وەسف کرد و دەڵێت، جەختیان لە
دۆزینەوەی رێگای کۆتاییهێنان بە گرژییەکان کردووەتەوە.
سەردانی وەزیری ناوخۆ و سەرۆک ئەرکانی سوپای پاکستان لە درێژەی هەوڵەکانی ئەو وڵاتە دێت بۆ نێوندگیری و کەمکردنەوەی ئاستی ململانێکان و رازیکردنی تاران و واشنتۆن بۆ گەرانەوە بۆ مێزی دیپلۆماسی.