لە چوارچێوەی بەردەوامیی هەوڵەکان بۆ دابینکردنی ئاسانکاریی نیشتەجێبوون بۆ هاووڵاتییان، وەزارەتی ئاوەدانکردنەوە و نیشتەجێکردنی عێراق دەستپێکردنی قۆناغێکی دیکەی پێشکەشکردنی ئەلیکترۆنی بۆ قەرزی سندوقی نیشتەجێبوون ئاشکرا کرد.
بەپێی ڕاگەیەندراوێکی فەرمیی وەزارەتی ئاوەدانکردنەوە، سبەینێ یەکشەممە پرۆسەی تۆمارکردنی ئەلیکترۆنی بۆ قەرزی سندوقی نیشتەجێبوونی عێراقی دەستپێدەکات و پارێزگاکانی (بەغدا، نەینەوا، نەجەف، صلاح الدین، ئەنبار، و کەرکوک) دەگرێتەوە. پێشکەشکردن تەنها لە ڕێگەی بەستەری ئەلیکترۆنیی فەرمیی سندوقەکەوە (ihf.moch.gov.iq) دەبێت.
وەزارەتی ئاوەدانکردنەوە ڕوونیشی کردووەتەوە کە پرۆسەی وەرگرتنی داواکارییەکان بەپێی کات و پێشینەی پێشکەشکردن (أسبقية التقديم) ڕێکدەخرێت و تا تەواوبوونی پشکی دیاریکراوی پارێزگاکە بەردەوام دەبێت.
هاوکات دەستەکە مەرجەکانی بەڵگەنامە هاوپێچەکانی دەستنیشان کردووە، کە برتیین لە:
-
پڕکردنەوەی تەواوی زانیارییە داواکراوەکان بە شێوازێکی ورد.
-
ئەپلۆدکردنی تەنها ڕووی پێشەوەی کارتی نیشتمانی.
-
بارکردنی کۆپیی مۆڵەتی دروستکردن (إجازة البناء).
-
بارکردنی سەندی عەقار (سند العقار) کە دەبێت دەرهێنراوی ساڵی 2025 یان ساڵانی دواتر بێت.