هاوشێوەی ناوچەکانی دیکەی هەرێمی کوردستان، لە ئیدارەی سەربەخۆی سۆرانیش گرفتی کەمیی کارەبا بووەتە بارگرانی لەسەر ژیانی ڕۆژانەی هاوڵاتییان، هاوڵاتییانی دەڤەرەکە ئاماژە بەوە دەکەن، کە بێ کارەبایی تەنگی پێ هەڵچنیون.
لە سنووری ئیدارەی سەربەخۆی سۆراندا نزیکەی 95 هەزار هاوبەشی کارەبا هەن. بە گوێرەی زانیارییەکان، مۆلیدە ئەهلییەکان لەبری دابینکردنی کارەبای 24 کاتژمێری، لە ئێستادا نزیکەی 11 کاتژمێر کارەبا بە هاوڵاتییان دەدەن.
لە بەرامبەردا، بەڕێوەبەری کارەبای سۆران ڕایگەیاند، ئەوان بە تێکڕا نزیکەی 19 کاتژمێر کارەبا دەدەنە هاوڵاتییانی سنوورەکە.
کێشەی کەمیی کارەبا لە سۆران؛ هاووڵاتییان ناڕازین و بەرپرسان ڕوونکردنەوە دەدەن
