ئەمشەو دووشەممە 18ی ئایاری 2026، کۆماری ئیسلامیی ئێران جارێکی دیکە بنکە و بارەگاکانی کۆمەڵەی زەحمەتکێشانی کوردستانی له سنووری قەزای سورداشی سەر بە پارێزگای سلێمانی کردە ئامانج.
بە گوێرەی زانیارییەکان، هێرشەکە کاتژمێر 10:00ی ئەمشەو بە چوار مووشەک ئەنجام دراوە و بارەگاکانی ئەو حیزبەی له ناوچەکە کردووەتە ئامانج.
ئەم بۆردومانە له درێژەی ئەو هێرشانەدایە، کە کۆماری ئیسلامیی ئێران له دوای دەستپێکردنی جەنگی ئەمریکا و ئیسرائیل دژی ئێران ئەنجامیان دەدات، کە لەو ماوەیەدا هەتا ئێستا، بە زیاتر له 77 مووشەک و درۆن بنکە و بارەگاکانی کۆمەڵەی کردووەتە ئامانج.
کۆماری ئیسلامیی ئێران بە چوار مووشەک هێرشی کردە سەر بارەگاکانی کۆمەڵە له سورداش
