لە ویلایەتی کالیفۆرنیای ئەمریکا، دوو کەس بە چەک هێرشیان کردە سەر گەورەترین مزگەوت و ناوەندی ئیسلامیی شاری سان دیێگۆ، بەو هۆیەوە پێنج کەس کوژران.
ا
پۆلیسی ویلایەتی کالیفۆرنیا ڕایاگەیاند، درەنگی شەوی ڕابردوو دوو گەنجی تەمەن 17 و 18 ساڵان هێرشیان کردووەتە سەر ناوەندەکە. بە گوێرەی زانیارییەکان، هێرشبەرەکان لە سەرەتادا پاسەوانی مزگەوتەکەیان کوشتووە و دواتر دوو کەسی دیکەیان کردووەتە ئامانج.
دوای ئەنجامدانی تاوانەکە، هێرشبەرەکان لە شوێنی ڕووداوەکە دوور کەوتوونەتەوە و دواتر ته‌رمی هەردوو گەنجەکە لە نێو ئۆتۆمبێلێکدا دۆزراونەتەوە، کە بە گوێرەی پشکنینەکان خۆیان کوشتووە.
سکۆت واڵ، فەرماندەی پۆلیسی شاری سان دیێگۆ ڕایگەیاند، تاوانەکە وەک کردەوەیەکی پڕ لە رق و کینە سەیر دەکرێت.
لای خۆیەوە، دۆناڵد ترەمپ، سەرۆکی ئەمریکا ڕایگەیاند، بە وردی چاودێریی ڕووداوەکە دەکەن و ئەو هێرشەی بە دۆخێکی ترسناک و خراپ پێناسە دەکات.
پێنج کەس لە هێرشێکی چەکداری بۆ سەر مزگه‌وتێک لە کالیفۆرنیا کوژران
