پاشنیوەڕۆی ئەمڕۆ شەممە (1ی ئابی 2026)، هێرشێکی درۆنی کرایە سەر سنووری گوندی گێچینە لە نزیک ئەشکەوتی مێژوویی جاسەنە لە قەزای دوکان.
بە گوێرەی زانیارییەکانی سەرچاوەیەکی ئاگادار، هێرشەکە لە ڕێگەی دوو درۆنەوە ئەنجام دراوە. دوای بۆردومانەکەش، ئاگرێکی گەورە لە پوش و پاوانی ناوچەکەدا کەوتووەتەوە و بەهۆی بەربڵاوییەوە تاوەکو ئێستا ئاگرەکە کۆنترۆڵ نەکراوە.
بەرپرسێکی کۆمەڵەی زەحمەتکێشانی کوردستانی ئێرانیش ڕایگەیاند، لە ئەنجامی ئەو هێرشەدا هیچ زیانێکی گیانی بەر بارەگاکانیان لە ناوچەکە نەکەوتووە.
هێرشێکی درۆنی لە سنووری دوکان ئاگرێکی گەورەی لێکەوتەوە
