بەڕێوەبەرایەتی هاتوچۆی هەولێر ئاگادارییەکی ئاڕاستەی شۆفێران و هاوڵاتییان کردوو ڕایگەیاند، بەیانی ڕۆژی سێشەممە بەبۆنەی یادی لەدایکبوونی پێغەمبەر (د.خ)، تەواوی شەقامەکانی بەرەو ناو سەنتەری شاری هەولێر و دەوروبەری قەڵا دادەخرێن.
بەڕێوەبەرایەتی هاتوچۆی هەولێر ڕایگەیاند، پرۆسەی داخستنی شەقامەکان لە سەعات 8:00ی بەیانییەوە دەستپێدەکات. لەو ناوچەیەی ئاماژەی پێکراوە، هاتوچۆ تەنها بۆ پیادە دەبێت و ئۆتۆمبێل ڕێگەی پێنادرێت.
بەڕێوەبەرایەتییەکە ئاماژەی بەوەش کردووە، ڕێکارەکان تا کۆتاییهاتنی ڕێوڕەسمەکانی یادکردنەوەکە و چۆڵبوونی شەقامەکان بەردەوام دەبن، دواتر شەقامەکان بەڕووی شۆفێراندا دەکرێنەوە.
هاتوچۆی هەولێر: بەیانی شەقامەکانی ناو سەنتەری شار و دەوروبەری قەڵا دادەخرێن
