بە گوێرەی زانیارییە سەرەتاییەکان، لە کاتێکدا کارمەندانی رادیۆی (Rojava FM) خەریکی ڕاپەڕاندنی ئەرکی ڕۆژنامەوانیی خۆیان بوون لە ناو شاری حەسەکە، گروپێکی چەکدار بە شێوەیەکی کتوپڕ هێرشیان کردووەتە سەر ئۆتۆمبێلی ڕادیۆکە و ڕاستەوخۆ تەقەیان لێ کردوون.
لە ئەنجامی ئەم هێرشەدا، کارمەندێکی ناو ئۆتۆمبێلەکە بریندار بووە و بۆ مەبەستی وەرگرتنی چارەسەری پزیشکی گواستراوەتەوە بۆ نەخۆشخانە و چەکدارەکانیش پاش هێرشەکە دەستیان بەسەر ئۆتۆمبێلی کارمەنداندا گرتووە و بۆ شوێنێکی نادیار هەڵاتوون.
تاوەکو ئێستا ناسنامەی هێرشبەران و هۆکاری پشت ئەم توندوتیژییە ڕوون نەکراوەتەوە و هێزە ئەمنییەکان و ئاسایشی ناوخۆ لێکۆڵینەوەی چڕیان بۆ دۆزینەوەی تۆمەتباران و گەڕان بە دوای ئۆتۆمبێلە دزراوەکەدا دەست پێ کردووە.
گرووپێکی چەکدار لە شاری حەسەکە هێرش دەکەنە سەر کارمەندانی رادیۆی رۆژاڤا
