کۆمەرس حەسەنبەگی، هاووڵاتیی دانیشتووی شاری ئیلام، دوای دەستبەسەرکردنی لەلایەن هێزە ئەمنییەکانەوە تاوەکو ئێستا چارەنووسی نادیارە و هیچ زانیارییەک لەسەر شوێنی ڕاگرتنی و دۆخی تەندروستی بەدەست نەگەیشتووە.
بە گوێرەی ڕاپۆرتێکی تۆڕی مافی مرۆڤی کۆڵبەرنیوز، ئەم هاووڵاتییە کوردە ڕۆژی چوارشەممە، 22ی تەممووزی 2026، لەلایەن هێزە ئەمنییەکانەوە بە بێ بڕیاری دادوەر و بە بەکارهێنانی توندوتیژیی جەستەیی دەستبەسەر کراوە و لە کاتی دەستبەسەرکردنیشیدا بریندار بووە.
سەرچاوەیەکی ئاگادار ئاشکرای کردووە، لە دوای دەستبەسەرکردنییەوە، ئەو هاووڵاتییە کوردە لە مافی بوونی پارێزەر، دیداری خێزانی و پەیوەندیی تەلەفۆنی بێبەش کراوە. دامەزراوە ئەمنییەکانیش هیچ زانیارییەکی فەرمییان سەبارەت بە هۆکاری دەستبەسەرکردن، شوێنی ڕاگرتن و تۆمەتە ئاڕاستەکراوەکانی دژی ئەم هاووڵاتییە بە خێزانەکەی نەداوە.
هاووڵاتییەکی کوردی ئیلام لەلایەن هێزە ئەمنییەکانی ئێرانەوە بێسەروشوێن کرا
