نیلنا عەبدوڵا، کچێکی گەنجی ڕۆژئاوای کوردستانە، لەبەر حەز و خۆشەویستیی بۆ شۆفێری، ژنانی دێرک و گرکێ لەگێ فێری شۆفێری دەکات. نیلنا دەڵێ، دەیەوێت بەم کارەی هاوکاریی ژنان بکات.
دەشڵێ، فێربوونی شۆفێری وا لە ژنان دەکات بە ئاسانی بچن بۆ شوێنی کارەکانیان و بگەڕێنەوە دەشڵێ، ئارەزوویەکی گەورەی ژنان و کچانی گەنج هەیە بۆ ئەوەی فێری شۆفێری ببن.
ئاماژەی بەوەشکردووە، ژنان دەتوانن لە هەموو بوارێکدا کار بکەن و بەهرەکانیان بگوێزنەوە بۆ پڕۆژەی تایبەت.
ئاشکراشیکرد، سووربوون و باوەڕ بەخۆبوون بنەماکانی سەرکەوتنن و داوای لە ژنان کرد، گوێ بەو ڕەخنانە نەدەن کە تواناکانیان بە کەم سەیر دەکەن.