چەکدارانی حووسی لە یەمەن توانیان کۆنترۆڵی دوورگەی "میون" بکەن کە دەکەوێتە نێوەڕاستی گەرووی ستراتیژیی باب مەندەب و لە ناوچەکەدا بڵاو بوونەوە.
بەرپرسێکی حکومیی ناوچەکە بە ئاژانسی فرانس پرێسی ڕاگەیاندووە کە پاش کشانەوەی هێزەکانی حکومەت لە دوورگەکە، چەندین بەلەمی هەڵگری چەکدارانی حووسی گەیشتوونەتە ئەوێ و دەستیان بەسەردا گرتووە.
هاوکات شایەتحاڵەکان ئەوەیان خستووە روو کە چەکدارانی حووسی بە ئۆتۆمبێلی سەربازی لە کەناراوەکانی باب مەندەب بڵاو بوونەتەوە و دەستیان بە گەڕان و پشکنین کردووە.
دوورگەی میون بەپێی پێگە جوگرافییەکەی لە گەرووی باب مەندەب، بەیەکێک لە گرنگترین خاڵە ستراتیژییەکانی دەریاوانی لە جیهاندا دادەنرێت کە وەک ڕێڕۆیەکی سەرەکی بۆ هەناردەکردنی نەوت و بازرگانیی نێوان ئاسیا و ئەوروپا بەکاردێت.