وەزارەتی پەروەردەی سووریا لە بڕیارێکدا ڕایگەیاند کە بڕوانامەکانی قۆناغی بنەڕەتی کە لە ساڵانی ڕابردوودا لەلایەن بەڕێوەبەرایەتیی خۆسەرەوە دەرکراون، بۆ تۆمارکردن لە پۆلی یەکەمی ناوەندی (ئامادەیی) لە سەرجەم قوتابخانەکانی سووریادا جێی متمانەن و پەسەند کراون.
بەگوێرەی بڕیارەکە، قوتابییانی خاوەن ئەم بڕوانامانە دەتوانن بە مەرجی هه‌بوونی نمرەی پێویست و بە هەمان شێوەی خاوەن بڕوانامە پەسەندکراوەکانی تر، درێژە بە خوندن بدەن.
هەروەها، وەزارەتەکە لیستی ناوی ئەو قوتابخانانەی بڵاو کردەوە کە تێیاندا وانەی زمانی کوردی دەخوێنرێت، و بە گشتی بڕیارە زمانی کوردی لە ٩٣٨ قوتابخانەدا بوترێتەوە.