خەڵکی شارۆچکەی تل تەمەر لە رۆژاڤای کوردستان بەهۆی خراپیی دۆخی ئابووری و بژێوی ژیانیانەوە رژانە سەر شەقامەکان و وەک ناڕەزایەتییەک، رێگەی سەرەکی و نێودەوڵەتیی (M4)یان داخست.
بەگوێرەی زانیارییەکانی نووچە تیڤی، ئەم پێشهاتە دوای ئەوە دێت کە دۆخی دارایی و گرانیی بازاڕ لە ناوچەکەدا بارگرانییەکی زۆری بۆ سەر شانی هاووڵاتیان دروستکردووە.
ئەمەش وایکردووە دانیشتووانی تل تەمەر بە چالاکیی جۆراوجۆر و داخستنی رێگا سەرەکییەکان، دەنگی ناڕەزایەتیی خۆیان بگەیەننە لایەنە بەرپرسەکان.
رێگەی نێودەوڵەتیی (M4) یەکێکە لە گرنگترین و ستراتیژیترین رێگاوبانەکانی سووریا و رۆژاڤای کوردستان کە ناوچە جیاوازەکان پێکەوە دەبەستێتەوە و داخستنی کاریگەریی گەورە لەسەر هاتوچۆی بازرگانی دروست دەکات.
بەهۆی خراپیی بژێوییەوە؛ لە تل تەمەر رێگەی ستراتیژیی نێوان شارەکان دەگیرێت
