ئامادەکارییەکان بۆ کردنەوەی دەروازەی سنووریی نسیبێن - قامیشلۆ لە قۆناغی کۆتاییدان.
لەم چوارچێوەیەدا، شاندێک لە بەرپرسانی ناوچەکە سەردانی دەروازەکەیان کرد تاوەکو لە نزیکەوە بەدواداچوون بۆ ڕەوشی ئامادەکارییەکان بکەن.
بەگوێرەی زانیارییەکان، ئەحمەد ئەلهیلالی، جێگری پارێزگاری حەسەکە و ئەندامی تیمی سەرۆکایەتی، بە هاوڕێیەتیی حەمود ئه‌لحەمود، بەڕێوەبەری دەروازەی سێمالکا، بەشدارییان لە سەردانە مەیدانییەکەدا کردووە.
ئامانج لە سەردانەکە هەڵسەنگاندنی ئامادەکارییە تەکنیکییەکان و بەڕێوەبردنی دواکاروبارەکانی پێش کردنەوەی فەرمیی دەروازەی نسیبێن - قامیشلۆ بووە.
لە کاتی سەردانەکەدا، بەرپرسان جەختیان لە گرنگیی کردنەوەی دەروازەکە کردەوە بۆ ئاسانکاری لە جووڵەی بازرگانی و هاتوچۆی دانیشتووانی ناوچەکە.
چاوەڕوان دەکرێت لە ڕۆژانی داهاتوودا زانیاریی زیاتر و کاتی فەرمیی کردنەوەی دەروازەکە بڵاوبکرێتەوە.